[ad_1]
今天買了蛋糕帶小朋友搭99號海栢花園上車去西貢。
因小朋友高大司機要求出示身分證明，我冇帶証件正本，但電話有出世紙相片，我比司機睇，佢話出世紙冇相唔可以証明，要我比小朋友身分證佢睇，我話小朋友身分證都係冇相片只有passport先有相，佢話要報警，我話車資我已經比咗，你要有相片証明我就住海栢上屋企攞証件你睇，你唔好開車等我，佢應承咗咁我帶埋個仔搦住蛋糕上樓，但當我落返巴士站就睇住佢開車走咗，想望吓車牌投訴佢都因已經開遠睇唔到！
因為太激氣搭車去西貢總站搵司機理論，見到司機响站頭，我攞晒所有証件比佢睇，因為passport 相片係小朋友3個月時影的，樣同現在都好大分別，你一樣可以話唔似樣唔可以証明！佢話跟公司指示做嘢，有唔滿意打熱線投訴！
當時連站長有3個司機响度，話我騷擾佢哋，站長報警，差人未到個司機想走去食飯。我話係你哋報警，當時人唔可以離開，你要離開起碼留底全名，站長話係我報警，呢度我最大，你冇權知道司機叫咩名，同要我負責因司機去唔到食飯而延誤班次！一
咁啱差人到咗了解事件，話站長唔係當事人叫佢行埋一邊，最好笑個司機同差人講話我禁錮佢唔俾佢離開去食飯！
當然到最後差人幫唔到我咩，但起碼比到報案編號同車牌我去九巴投訴
打去投訴熱線先知原來4歲前都係免費搭巴士係講緊唔沾座位情況下，我一路都以為3歲前，而我小朋友高98cm2歲10個月，所以查我都覺得應該，但點望都唔夠4歲啦！同埋我真想問下次要帶咩証明文件先可以証明小朋友歲數呢？出世紙同身分證話冇相片，Passport張相又話唔似！
實在太谷氣所以响呢度宣洩下！請大家見諒！
[ad_2]