[ad_1]
【食爆炸糖】英國女子食爆炸糖搞到炸碎牙？！仔細睇包裝先發現原來食錯砂炮
英國一位48歲女子Lisa Boothroyd去年12月喺當地一間超市買咗幾包「爆炸糖」，佢返到屋企準備食糖，點知一放入口，「爆炸糖」真係喺個口入面爆炸，搞到佢個嘴同牙齦都被化學灼傷，其中1隻牙亦被炸碎！
Lisa隨即睇多次包裝說明，先知原來自己買返嚟嘅唔係「爆炸糖」，而係「砂炮」，佢即刻用水清洗口腔，但佢個嘴之後連續數個星期都好像「著火」一樣，令佢幾乎無法入睡同埋進食，求醫後需食強效止痛藥，並需要定期覆診。
Lisa表示自己當時喺係超市一堆糖果貨架上拎走呢包「砂炮」，而當時包裝上亦寫有「Snap！ Crack！ Bang！」等字眼，令佢認為係爆炸糖，佢慶幸今次事件唔係發生喺小朋友身上，亦希望超市唔好再將「砂炮」同「爆炸糖」放喺同一貨架上。據報導，超市事發後馬上將有關「砂炮」下架。
[ad_2]