[ad_1]
《姜濤？乜水呀唔識喎。》
老實講我都唔識。
醫院又忙，湊女又忙，近年來我對香港樂壇涉獵嘅程度近乎零。但係，我真係好討厭好討厭身邊呢啲「又唔識，但係又要鬧一餐」嘅人。我情願你話佢「唱歌走音」或者「冇臺風」，起碼咁代表你有嘗試了解過，然後先至去批評。
其實而家嗰班廢老，當年都係咁，冇了解過就一味插：「陳奕迅？乜水呀我唔識喎。…不過乜都好啦，肯定譚詠麟好聽好多啦，呢班後生把鬼啦…」
唔識？唔緊要呀，學囉。我有個中年朋友真係攞住部laptop，一路Google一路睇叱吒。Respect。冇時間？都唔緊要㗎，你可以唔理佢家嘛。
你唔係。你又要鬧話香港樂壇冇新人冇歌聽冇生氣。有新人喇，你又唔去聽。未聽過，你就一味話香港樂壇冇新人冇歌聽冇生氣。咩玩法啊。其實無論點，香港而家咁嘅氣候，再加埋一年多嘅疫情，淨係喺樂壇打出名堂呢一件事，已經唔簡單。
乜嘢係藍絲廢老？
無論乜嘢事物，又唔識，但又唔想知唔想明，然後又要一味盲目漫罵，嘗試提高自己逐漸消失嘅存在感 —— 呢啲就係藍絲廢老。
[ad_2]