[ad_1]
#最西明星客 , 楊千嬅坐飛機盡顯閪面 , 一手摧毀fans偶像夢
國泰大裁員，八千多人慘變失業大軍，其中一位被裁空姐「阿莎」轉戰網絡，在YouTube大爆 #最西明星客。
阿莎指「#大笑姑婆」當年坐飛機，曾有年輕空姐歌迷想找她影相，但「大笑姑婆」在機上一直瞓，等到飛機差不多著陸，「大笑姑婆」亦瞓醒，第一句就話：「影啦影啦咁想影」，不但嚇窒該年輕空姐，亦一手摧毀「偶像夢」，從此將「大笑姑婆」剔出偶像名單……邊個大笑姑婆？都唔使問啦，梗係 #心口掛個勇字 果個啦！
另一位「#藝術家導演」，阿莎話：「呢位導演由東京飛返香港，因為佢喺東京買咗件藝術品，所以要用發泡膠包住」，但藝術品尺寸超出限制，需要寄艙，阿莎指「藝術家導演」就大鬧如果藝術品不幸損毀，是否由航空公司賠償，更「電召」記者到場。阿莎指「藝術家導演」是難為公司及精神勒索。
阿莎還直指「#豪門千金」是「#最討厭明星客」，阿莎說：「豪門千金坐頭等，每5分鐘就撳call light」，不但問瑣碎事，更要空姐「預留」洗手間，阿莎說：「仲有其他頭等客，唔可以淨係招呼你一個，最後我哋要叫返佢自己個助手幫手。呢件事令我諗到可能佢本身有太多兄弟姊妹，平時冇乜人留意，想要attention seeking。」
另一位「#心急人上」則態度惡劣，事緣登機時空姐檢查她登機證，嫌空姐手腳慢，最後更一手搶回登機證，阿莎指：「其實一個無禮嘅小動作，都會hurt到工作人員。」她指「心急人上」現有幸福家庭，希望她會變好啲……咦，即係 #搶人老公 嗰個？
「#餓鬼投胎」態度亦有過之而無不及，阿莎指當時因為他所點的飛機餐已派完，結果即場發爛渣，更將餐牌拋上枱面，呼喝空姐：「無嘢啦，走啦！」阿莎仲畀咗貼士大家，指「餓鬼投胎」#早前在澳門曾發生令人側目事件。
最麻煩的則是「#潮流西客」，其「盛名」在航空業界相當出名，因為不但對空姐粗言穢語，甚至向機長說「You are just my driver」，雖然「潮流西客」出名難招呼，不過阿莎卻奇怪她從未被公司列入黑名單。阿莎說：「#佢依家生咗個女，或者可以對人nice啲啦！」
雖然有不少明星西客，但阿莎也大讚有「好客」，例如發哥 #周潤發 遲登機，他即時向機組人員逐一道歉，相當有禮貌。阿莎亦大讚 #張學友，指他坐飛機時，其經理人會預先向空姐透露學友的「狀態」，以便空姐「邀約」合照，認真識做。而 #古天樂、#梁朝偉 及 #陳奕迅 亦好nice冇架子。
[ad_2]