[ad_1]
不吐不快！不喜勿插！點解香港D路凹凹凸凸，每逢落完雨，路面上就多咗好多窿
今日終於知點解！因為多得香港有個無能政府！應做嘅唔做，莫講話做好，唔應做嘅就做齊！叫佢清連儂牆呀，膠水黐地磚呀就鬼咁快，民生問題修路就求撚其其，路政署外判哂D修路工程出去價低者得，老闆睇餸食飯，質素點可以高呀！快閃式修路法只有香港先做到，又唔洗封路，又唔洗等夜晚凌晨時分，路上冇乜車先嚟修，唔洗請夜班又可慳返。片中嘅修路工程係喺天后嘅琉璃街，成個修路工程唔洗十五分鐘，我唔係修路嘅專業人士，不過真正嘅修路工程唔係咁做呀！單係睇吓呢D咁嘅修路方法，就知道香港正苦有幾咁廢幾咁荒謬！打個比喻，如果一個人件衫爛咗穿窿，求其搵D廢布補返個窿就著嘅人係咪窮人？咁香港而家係咪窮到連買過件新衫嘅錢都冇呀？一個連路都修唔好嘅正苦要嚟把鬼咩！仲有灣仔繞道落成後東廊東西行各封一條線起花槽呢單嘢夠搞笑啦，起到一半話估算錯誤取消唔起！咁你咪拿拿聲開返D行車線囉！搞咗成年都仲係冇郁過唔知等乜！搞到灣仔繞道發揮唔到最大嘅作用！浪費公帑浪費時間。睇吓人哋日本人點樣修路啦！https://youtu.be/pyvT9orFeK0
[ad_2]