[ad_1]
開始有啲涼意，有冇覺得好瞓咗？
不過噚晚西貢翠塘花園居民就無覺好瞓喇，事關佢哋附近有人拍攝疑似警察宣傳片，裝甲車銳武都有份拍攝，現場仲要傳出多次爆炸聲、係咁「Boom」，點瞓得著啫？
唔少居民都落去理論，有啲無證、自稱「阿Sir」嘅便衣人士同居民發生口角，仲要求街坊「將就吓」，但嗰時已經過咗11點，有居民嘅仔女仲要因為爆破聲而嘈醒咗，一句「將就吓」真係唔使守嘈音條例咩～
之後軍裝警員到場，話劇組有晒許可證，但張Permit呢？Sor9ly，得阿Sir話有，區議員同居民都冇得睇。居民就同對方理論，話23:05都聽到有爆破，但阿Sir話對唔到錶「可能我係廿二點幾㗎嘛」（Ok u win⋯）
根據環保署《噪音管制條例》過咗11點「發出而令人煩擾的噪音」都係可以管制，但點檢控呢，就係由警方主觀判斷嘅～以前就話「阿Sir做嘢唔使你教」，而家可以講「阿Sir拍嘢唔使瞓覺」喇～
資料來源： 西貢區議員Zoe Leung 梁衍忻
[ad_2]