[ad_1]
杜汶澤 香港企硬 talk show加推25%座位出嚟 ，未日落已經賣晒！我哋又再一次令藍屍失望喇！
因為限聚令條例，令杜汶澤本來舉行6場嘅「香港企硬」talk show得番一半座位，阿澤就自己俾場租加開6場，滿足所有捧場觀眾，點知限聚令又放寬，後日(5號)舉行頭場嘅阿澤即刻加推25%座位出嚟，今朝佢就拍片講番呢個安排，明顯瘦咗又大隻咗狀態好ready嘅阿澤，對住鏡頭講：「喺呢個時候，嗰啲死藍屍就會走出嚟講話，『有骨氣你就唔好賺呢啲錢！』」跟住佢就隊隻中指出嚟：「x你啦！我唔賣飛，點賺錢呀！到時你又話我食軟飯㗎啦，戇x！冇錯，我哋依家隆重推出，追加門票！」
今朝10點開賣，劃一票價480蚊，冇得揀位，阿澤求大家嗰日買追加位嘅、早一個半鐘到場就有機會拎到靚位，因為有部分座位又要重新調票。雖然加推門票又急又冇位揀，但結果，唔使半日賣晒！阿澤忍唔住出個po多謝黃嘅再寸啲藍嘅，「你哋唔好咁黐線得嗎？十二場『香港企硬』追加門票，未日落已經賣晒！我哋又再一次令藍屍失望喇！望咩呀？唔忿巢呀？唔啱你哋又派個藍屍藝人出嚟開show吖！睇下生意點？感謝所有同路人！到時早啲到！香港已經黐晒線，我哋唔好理咁多，而我亦未有咩高見，大家一於笑返晚再算⋯⋯」
至於達明一派今個月13號起喺伊館嘅六場「達明一派REPLAY意難平/神經LIVE」本來都係坐一半觀眾，一早已經賣得七七八八，咁達明其中四場騷會加推25%門票，聽朝(4/11)十點開賣，黃耀明亦拍咗條片叫大家捧場，「幫我哋買晒佢！」想睇嘅記得較鬧鐘啦。
[ad_2]